តើអ្នកដឹងក្បួនរកស៊ីសាមញ្ញមួយនេះទេ? សម្រាប់អ្នករកស៊ី ក៍អាចប្រើក្បួននេះបាន!

សុខចិត្តលក់ផលិតផល ឬសេវាកម្មមួយ ក្នុងតម្លៃថោក ហើយចំណេញបានតិច តែអាចលក់បានច្រើន។ ជាការពិតប្រកែកមិនបាន អ្នករកស៊ីភាគច្រើន នៅកម្ពុជា មិនសូវខ្វល់ពីបរិមាណនៅក្នុងការលក់ ឬភ្ញៀវចូលទិញច្រើននោះទេ ពោលគឺពួកគេខ្វល់តែប្រាក់ចំណេញ ពីថ្លៃដើមរបស់ពួកគេតែប៉ុណ្ណោះ។ ហើយដោយសារហេតុនេះ ទើបមានអាជីវកម្មជាច្រើន ត្រូវបង្ខំចិត្តបិទទ្វាទៅវិញ បើទោះបីជាផលិតផល ឬសេវាកម្មនីមួយៗរបស់ពួកគេ លក់ចំណេញបានច្រើនក៏ដោយ។ ប៉ុន្តែ សម្រាប់អ្នកដែលរកស៊ី ដែលមិនផ្តោតសំខាន់លើប្រាក់ចំណេញច្រើនជាធំ ហើយងាកមកគិតគូរពីបរិមាណភ្ញៀវវិញ នោះ អាជីវកម្មរបស់ពួកគេ អាចដំណើរការបានយ៉ាងរលូន រហូតមានអាជីវកម្មខ្លះ អាចបន្សល់ទុកឱ្យកូនចៅជំនាន់ក្រោយថែមទៀតផង។